Tuesday, February 2, 2016

නිදහසක් කියා නැත දෙයක්





මනුසත් දෙරණ මත ඉපදී මිනිස් වෙසින් කවි ගී ගයයි මලවුන් එන තුරා මතින් නිදහසක් ඇතිය කියලා අනබෙර තැලුවාට ඉතින් අපට නැත තවම නිදහස ලැබිල අපෙන්
බටහිරටම ආවඩනා සිංහල පුත්තු අපට රටක් ඇත කියලා කියයි සිතු මාරකයෙන් මිදී නැත තව අප මිතුරු හිතාපන් එගැන මොහොතක් මගෙ මිතුරූ
ජාතියක් නැත තවම සිංහල කීවාට කලවම් වෙලා හැම තැන දෙස බස යසට මලගම අද හෙටම ඒවිය පිය මිතුර හිතපන් ටිකක් අප කෙලෙසද නෙතු පියනු
රකිමින් දෙරණ සිටි මිනිසුන් නිහඩ වෙලා ඒ අය ඇයිද මේ ලෙස අද කලකිරිලා දේශපාලනය අද හැම තැන රජ වීලා කෙදිනද පොත පතට එක තැන දෙන්නෙ අපා
ජාතික ආලේ කියලා තෙලෙබනුවෙන් දෙඩුවාට ජාතික හොරුන් වේ සමහර මැතිලාද රට හැදි ගෑවිලා යන දා ඔවුන් නැත කටක් අරින්නේ මිතුරේ කිසිදාක
රැවටී අප සැවොම අද එක තැනට වෙලා හිටියොත් මතු පරපුරක් නොසදා අලස වෙලා ඒරොප්පෙන් ඇවිත් රට අලු දූවිලි කරලා අපේ රට අරන් යයි නැවතත් තිබු තැනටා
ජාතික ධජය නොඑසෙව්වට කමක් නැත රටට වැඩක් ඇති ලෙස කල් ගෙවනු මැන ආසිරි බලය තුනුරුවනේ ලැබෙනු ඇත මේ කවි ලියන මම ගුරුගොඩ සිරිවිමල



No comments:

Post a Comment