Tuesday, August 9, 2016

කරත්තය









ගමකට බඩු පොදි බැඳගෙන කෙඳිරි ගගා ඇදෙන්නේ
කෙවිට බහා තෙල් කඳුළක් කඩ ඇණයට හොවන්නේ
උහුලන්නට බැරි බරකට ගොනාය කර ගහන්නේ
කාන්සියට සීපද හඬ ගමන් වෙහෙස නිවන්නේ



කඳු පල්ලම් පෙනී යන්න ලන්තෑරුම වැනෙන්නේ
නැත හිතුවක්කාර කමක් සක් පා ඔලු රකින්නේ
වේ දඬු මාරාව රටා පිදුරු දඟර මවන්නේ
දඩ මෙ‍ෙහවර ලබාගන්න ගොනාට පළිගහන්නේ



යව පට්ටම් සක් ගරාදි බෝස් ගෙඩිය උපන්නේ
මළ යුගයක් හා නොමළත් තවමත් කරකැවෙන්නේ
අග හිඟකම නැති බැරිකම දැන වෙහෙසක් දරන්නේ
පණ දෙන්නට බැරිවූ දා ගොනා මරා බුදින්නේ





No comments:

Post a Comment