පිරිමි සහ කාන්තා වොලිබෝල් කණ්ඩායම් අවසන් සටනට
දකුණු ආසියාතික ක්‍රීඩා උළෙල ඉතිහාසයේ පළමු වරට ශ්‍රී ලංකා පිරිමි වොලිබෝල් කණ්ඩායම ශ්‍රී ලංකාවෙන් පිටතදී අවසාන තරඟයට පිවිසෙමින් ප්‍රබල පකිස්තාන කණ්ඩායම වට 3- 1 න් පරාජය කරන්නට සමත් විය.
ප්‍රථම වටය ලකුණු 25 – 17 ක් ලෙස පරාජයට පත් වුව ද ඉන් අනතුරුව තරඟයට පිවිසි ශ්‍රී ලංකා ක්‍රීඩකයන් වොලිබෝල් ප්‍රේක්ෂකාගාරයේ දැවැන්ත උද්යෝග කිරීමත් සමඟ ප්‍රදර්ශනාත්මක සටනක නිරත වෙමින් ලකුණු 25 – 23,25 – 22 සහ 25 – 20 ලෙස තරගයේ ජයග්‍රහණය එන්න එන්නම පහසු කර ගත්තේය.
තරඟයෙන් තරඟයට ජයග්‍රහණය සැළසුම් කිරීමත්,තරඟයේදී වටයෙන් වටයට ජයග්‍රහනය සැළසුම් කිරීමත් සිය රටාව බව පැහැදිළි කළ ශ්‍රී ලංකා පුහුණුකරු චාල්ස් කොන්රඩ් තිලකරත්න අවසාන තරඟයේදී ශ්‍රී ලංකා ජයග්‍රහනය වෙනුවෙන් කළ හැකි සියල්ල සැළසුම් කරන බව පැවසීය.පළමු වටයේ පරාජය අමතක කර අවසාන තරඟයේදී ඉන්දියාව පරාජය කිරීම සඳහා පළමු තරඟයේදී සිදු වූ අතපසුවීම් පිලීබදව හොද අධ්‍යයනයකින් සිටින බව පැවසූ කණ්ඩායමේ නායක ජනිත් සුරත් හෙට ඉන්දියාවට එරෙහිව ජයග්‍රහනය සඳහා අත්දැකීම් මෙන්ම තරුණ ජවයෙන් යුත් මිශ්‍ර කණ්ඩායමක් සිටින බව පැවසීය.
හෙට ශ්‍රී ලංකා පිරිමි කණ්ඩායම මෙන්ම කාන්තා කණ්ඩායම ද රන් පදක්කම සඳහා ඉන්දියානු කණ්ඩායම් වලට එරෙහිව තරඟ වදින අතර ශ්‍රී ලංකා කණ්ඩායමේ නායිකාව දිනේෂා ප්‍රසාදිනී ද ප්‍රකාශ කළේ 1991 න් පසු ශ්‍රී ලංකා කාන්තා කණ්ඩායම දකුණු ආසියාතික රන් පදක්කමක් සඳහා හොඳ සූදානමකින් සිටින බව ප්‍රකාශ කළාය.
සමන් සහ චාලි කිව්වොත් ඉතින් වොලිබෝල් තමා කියනා සේ කලකට පෙර සුදුස්සන්ට සුදුසු ලෙස ලැබුනු තනතුරු කල එළි දක්වමින් දකුනු ආසියාතික ක්‍රීඩා උළෙලේ ජය කෙළි න0වමින් පිරිමි සහ කාන්තා අවසාන මහ තරගයට සුදුසුකම් ලබා ගත්තෝය
මෙම ජාතික පුහුණුකරුවන් අතදැකීම් බහුල,පෘථුල වොලිබෝල් ක්‍රීඩාවට යමක් කලහැකි දෙදෙන්ක් වන අතර ක්‍රීඩාවක ජයග්‍රහනය සදා නිසැකවම තම දැනුම,තාක්ශනය යොදා ගන්නා බව මාද අත්දැකීමෙන් දනිමි.
එම නිසා ඔවුන් දෙදෙනා ඇගයීම අපට මහත් ආඩම්බරයකි.
තවද මොවුන් දෙදෙනා අප ප්‍රදේශයෙන්ම බිහිවී අපේම පාසලෙ ජයකෙළි නැන්වූ දෙදෙනෙකි
සාෆ් රන් පදක්කමින් ජය න0වන්නට සුබ පතමු
