කුමාරියකගෙ බිලිඳු කටහඬ
ඇසේ මා පුතු නිවහනය තුළ
මුනුපුරුගෙ මගෙ තනි මකන්නට
නංගියෙක් ගෙදරට ඇවිත්
පුතුගෙ පුතු දඟකාරකම් දැක
සතුට හද තුළ දෝරෙ ගැලු සඳ
සුරඟනාවියෙ නුඹත් ආවේ
අපේ පොඩි හුරතලිය වන්න ද
දෙකන්පෙති නුඹෙ විදින දිනකදී
රන්තෝඩු නැත නුඹට දෙන්නට
නුඹේ කන්පෙති මලින් සරසා
බලා ඉන්නම් දුවගෙ හැඩරුව
ආස හිතුණත් වඩාගන්නට
දුවේ වියපත් දැන් මගෙ අත
තදින් මම දුව තුරුල් කෙරුවම
පුංචි සමනලියට රිදේවිද
තරුණියක ලෙස දොරට එන දින
බලා ඉන්නම් ඇඟිලි ගැන ගැන
බුලත් හෙප්පුව නුඹෙන් ගන්නට
වාසනාවක් මට ලැබේවි ද
No comments:
Post a Comment