2017 නව වසරේ

දුරුතු මසේ නිවෙසට ආ අමුත්ත දින දසුන කදිම

අරුම පුදුම ඉදිරි ගමනෙ තතු පවසයි දිනයක හැම

කරුමෙ අපේ නිමා වුණායයි පවසන විලසක උරුම

අරුණලු රැස් දහර ගලයි පෙන්වා ළහිරුගේ තරම

ගෙවුණු වසරෙ අමිහිරි දෑ අමතක කර දමා ඉවත

හැදුණු වැඩුණු ගුණ දහමට අනුකූලව යොමා දෙනෙත

බිඳුණු මිතුරු නෑදෑකම තර කරගෙන සදා දියත

ලැබුණු වසරෙ කිරිබත් කමු සිරිකත ගෙනඒවි සැපත

රටට දැයට සමයට හෙට නොනැසෙන මෙහෙයක් කෙරේවා

අදට වඩා හෙට ජාතික අබිමානය ළෙහි රැඳේවා

ගතට සිතට සුව බල දෙන නිරෝගිතාවය දැනේවා

සතුට සැපත සම්පත පිරි නව වසරක් උදා වේවා