ඩොලර් කදු මතින් පිය නගන T 20

 

ටෙස්ට් ක්‍රිකට් වෙනුවට ප්‍රේක්ෂකයන් ආකර්ශනය කරගන්න ආරම්භ කළ කෙටි කාලීන ක්‍රිකට් ක්‍රීඩාවේ පළමු අදියර පටන් ගත්තේ තනිදින ක්‍රිකට් තරග වලින්. ක්‍රිකට් ඉපදුණේ එංගලන්තයේ වුවත් ක්‍රිකට් වානිජ්‍යකරණය ගැන මුලින්ම ගැඹුරින් කල්පනා කළේ ඔස්ට්‍රේලියානුවෙක්. ඒ එරට ධන කුවේරයෙක් වුණු කවුරුත් දන්න කෙරී පැකර්. ක්‍රිකට් ක්‍රීඩාව එකතැන පල්වෙන එක නවත්වන්න මුදල් ඉදිරියෙන් තියලා පැකර් ගහපු ගැටේ නිසා ක්‍රිකට් ක්‍රීඩාවේ සුවිශාල පෙරළියක් සිද්ධවුණා. පන්දුවාර හැටක් විධිහට ආරම්භ වුණු එක්දින ක්‍රිකට් ක්‍රීඩාව පසුව අනුක්‍රමයෙන් පන්දුවාර පනහේ තරගයක් බවට පෙරළුණා. දශක කීපයක් යද්දී එක්දින ගමනත් ප්‍රේක්ෂකයන්ගේ උද්වේගය අඩුකරන බවක් දැනෙන්න පටන් ගත්ත නිසා පන්දුවාර විස්ස එහෙමත් නැත්නම් සෝඩා බෝතල් ක්‍රිකට් ක්‍රීඩාව ලෝකය තුළ උප්පත්තිය ලබනවා. ඒ එංගලන්තයේ ක්‍රිකට් මූලෝපායික වෙළෙඳ ඒජනත්වරයකු වන ස්ටුවර්ට් රොබර්ට්සන් නිසයි. (එකම එක පැන්සයක්වත් එමගින් ඔහු අතිරේකව උපයාගත්තේ නෑ. ඒ ගැන වෙනම කතාකළයුතුයි.)

එම තරගාවලිය හැඳින්වෙන්නේ ටී 20 බ්ලාස්ට් කියායි. වේ විධිහට 2003 වසරේදී එංගලන්තයේදී මෙම 20-20 තරගාවලි සැකැස්ම ආරම්භ වුවත් එය ලෝකය තුළ මුල්බැස ගත්තේ ඉන්දියාවෙදියි. කිසිකෙනෙක් විස්සයි විස්ස ඉපැදුණේ එංගලන්තයේ කියලා හිතන්නෙ නැති තරමට අද වනවිට එය ඉන්දියානු වෙලා. හරියට බොලිවුඩ් සිනමාව වගේ. ඒ නිසා දැන් ටී. 20 අධිරාජ්‍යය පවතින්නේ ඉන්දියාව තුළ කිව්වොත් හරි. ලෝකයේ සියලු රටවල ක්‍රීඩකයන් මිල්ල සොයාගෙන දැන් එන්නේ ඉතාලියට නොවෙයි, ඉන්දියාවට. එය කොතරම් මුදල් නිර්මාණය කරනවාද කියනවා නම් මාස දෙකකින් ශ්‍රී ලංකා රුපියල් කෝටි පහක්, හයක් සාක්කුවේ දාගන්න ඊට සම්බන්ධවන ක්‍රීඩකයන්ට හැකියි. ඒ වගේම ලෝකයේ ඉන්න ධන කුවේරයන් තමයි ඉන්දීය ප්‍රිමියර් ලීග් කණ්ඩායම් මිලදී ගෙන තිබෙන්නේ. මෙහෙම හැකියාවක් නිර්මාණය වෙලා තිබෙන්නෙ එමගින් උපයන ලාභාංශවල විශාලත්වයයි.

අපි ආපහු කතාවේ මුලට ගියොත් පෙර කීවාක් මෙන් 2003 එංගලන්තයේ ආරම්භවුණු පන්දුවාර විස්ස තරග රටාව ඉක්මනින්ම නැව් නැග්තේ නවසීලන්තයටයි. ඔවුන් 2005 වසරේ ටී 20 තරග ආරම්භ කළා. ඒත් නවසීලන්තය තුළ එතරම් ප්‍රචලිත පන්දුවාර විස්සයි විස්ස තරගාවලියක් තවමත් පැවැත්වෙන්නෙ නෑ. නමුත් ඉස්සෙල්ලා කිව්වා වගේ විස්සයි විස්ස ගැන පුළුල්ව කතාවෙන්න ගන්නේ ඉන්දියාව වැඩේ බාරගත්තාට පසුවයි. ඉන්දියානු උප මහාද්වීපය වගේම සමකය ආශ්‍රිත කලාපය තුළ ඉන්න ජනගහනයත් සමඟ ලෝකයේ විශාල වෙළෙඳපොළක් ඉදිවෙලා තිබෙනවා. ඒ නිසා 2008 අවුරුද්දෙදි මේ සෙල්ලම හඳුන්වා දුන්නාට පසුව මේ දක්වා කිසිදු රටකට පන්දුවාර විස්සෙන් ලබාගත නොහැකිවූ සාර්ථකත්වයක් ඔවුන් නෙළා ගත්තා කියන්න හැකියි. ප්‍රිමියර් ලීග් 20-20 තරගාවලියක වැඩිම කණ්ඩායම් ගණනක් ක්‍රීඩා කරන්නෙත්, වැඩිම කාලයක් දියත් වෙන්නෙත් ඉන්දීය ප්‍රිමියර් ලීග් (අයි.පී.එල්.) තරගාවලියයි. වැඩිම ප්‍රේක්ෂකයන් සහභාගිවන ලෝකයේ වෙනත් වෙනත් තැන්වල සංවිධානය කරන තරගාවලිය බවට නමක් දිනාගන්නත් අයි.පී.එල්. තරගාවලියට හැකිවෙලා තිබෙනවා. පළමුව දකුණු අප්‍රිකාවටත් පසුව ඩුබායි ප්‍රමුඛ ක්‍රීඩාංගණ වෙතත් එය රැගෙන යන්නට ඉන්දීය තරග සංවිධායකයින් කටයුතු කළේ ඉන්දියාවේ පැවැත්වීමට නොහැකිවූ වාතාවරණයන්ට විකල්පයක් වශයෙනුයි. පසුගියදා කෝවිඩ් වසංගතයෙන් ආරක්ෂා වෙන්න පිටිය තුළ සජීවී ප්‍රේක්ෂකයන් නොමැතිව තරගාවලියක් වානිජමය වශයෙන් සාර්ථක කරගන්න ඉන්දීය බලධාරීන්ට හැකිවුණා. මේ වැඩේ එක්ක මෙම තරගාවලියේ ඇති ශක්තිමත් ව්‍යූහය කුමක්ද යන්න මනාව තේරුම් ගන්න අපට පුළුවන් වෙනවා.

දැන් ලෝකය තුළ ක්‍රිකට් ක්‍රීඩා කරන රටවල් අතර අයි.පී.එල් (ඉන්දියාව), බිග් බෑෂ් (ඔස්ට්‍රේලියාව), පී.එස්.එල්. (පාකිස්තානය), සී.පී.එල්.(බටහිර ඉන්දීය කොදෙව්), සුපර් ස්මෑෂ් (නවසීලන්තය), ටී 20 බ්ලාස්ට් (එංගලන්තය), මාන්සි සුපර් ලීග් (දකුණු අප්‍රිකාව), ඒ.පී.එල්. (ඈෆ්ගනිස්ථානය), එල්.පී.එල්. (මීට පෙර එස්.එල්.පී.එල් ලෙස 2012 ඇරඹිණි.) - (ශ්‍රී ලංකාව), යුරෝ ටී.20 ස්ලෑම් (අයර්ලන්තය, ස්කොට්ලන්තය සහ නෙදර්ලන්තය- යෝජනාවී ඇත) තරගාවලි සංවිධානය කෙරෙන හෝ කිරීමට යෝජිත තරගාවලි වශයෙන් දක්වන්න හැකියි.

මීට අමතරව අන්තර් ජාතික ක්‍රිකට් ආයතනයේ අනුමැතියෙන් තොරව ලෝකයේ ක්‍රිකට් ක්‍රීඩා කරන කණ්ඩායම් අතර තවත් මෙවැනි සෝඩා බෝතල් ක්‍රිකට් තරගාවලි පැවැත්වෙනවා. කැනඩාවේ, හොංකොං හා නේපාලයේ විස්සයි විස්ස තරග පැවැත්වෙද්දී එක්සත් අරාබි එමීර්, කටාර් යන රාජ්‍යයන් ටී. 10 තරගාවලියක් සංවිධායනය කරනවා. එංගලන්තය තවත් පන්දු 100 තරගාවලියකුත් ක්‍රියාත්මක කරනවා. ඇමරිකාව, මැලේසියාව, නෙදර්ලන්තයත් මේ වැඩේට ඇතුළත්. දේශීය වශයෙන් නම් මෙවැනි විස්සයි විස්ස තරගාවලි කෙන්යාවේ, සිම්බාබ්වේ, නැගෙනහිර අප්‍රිකානු රටවල තරගාවලියක් ලෙස කෙන්යාව තුළත් සංවිධානය වීමෙන් ටී.20 කුණාටුවෙන් ලෝකයේම ක්‍රිකට් ක්‍රීඩාවට ගැලවීමක් නොලැබෙන බව පැහැදිලියි. එය එක අතකින් කාර්ය බහුල මානව සමාජයට අලුත් වීරයන් දකින්න ඒ වීරයන්ගෙන් තමන්ගේ මනස ශක්තිමත් කරගෙන අනාගතයට මුහුණ දෙන්න ඉවහල් කර දීමක්. විස්සයි විස්ස ක්‍රිකට් වසන්තය අද වනවිට ලෝකයේ මානව සංස්කෘතිය තුළ උදේ තේ කෝප්පය නැත්නම් අවදිවූ පසු පානය කරන කිරි කෝප්පය තරමට හුරුපුරුදු අත්දැකීමක් වන්නේ ඒ නිසයි. අපි කවුරු කැමති වුවත් අකමැති වුවත් අනාගත ක්‍රිකට් ක්‍රීඩාවේ පැවැත්මේ ප්‍රධානම යතුර ඇත්තේ විස්සයි විස්ස ක්‍රීඩාව තුළයි. විස්සයි විස්සෙන් උපයන මුදල් පන්දුවාර පනහ, ටෙස්ට් තරග, දේශීය ක්‍රිකට් ක්‍රීඩාවේ පැවැත්ම වෙනුවෙන්, ක්‍රීඩකයන්ගේ වැඩිදියුණුව වෙනුවෙන් යොදාගන්න බලධාරීන් කටයුතු කරන්නේ කාටත් හොරෙන් සාක්කුවටත් ටිකක් දාගෙන බව ආයෙ අමුතුවෙන් කිවයුතු නෑ.

ඒ මොකද කියනවා නම් ප්‍රිමියර් ලීග් 20 -20න් ලෝකයේ ක්‍රීඩා පිටි තුළ උපදින මුදල් කඳු ඒ තරම් විශාල නිසයි. ඇතැම් විටෙක ඉන්දියාව තුළ විතරක් ටී.20 ජාත්‍යන්තර ලීගයෙන් උපයන ධනස්කන්ධය එඩ්මන් හිලරි හා ටෙනිසිං ෂර්පා පළමුුවෙන් තරණය කළ එවරස්ට් හිම ගිරටත් වඩා විශාල වන දිනය වැඩි ඈතක නොවෙයි. අපි කවුරු කැමති වුණත් අකමැති වුණත් (අතීත කාමයෙන් පෙළෙන සමාජය නව්‍යකරණයට කොහොමත් ටිකක් අකමැතියි.) ටී. 20 වංශ කථාව ප්‍රබල ක්‍රීඩා ආර්ථික අධිරාජ්‍යයකට වැටී ඇති අධිවේගී මාර්ගයක්. ඒක කිසිවිටෙකත් ප්‍රතික්ෂේප කළ නොහැකි යතාර්ථයක්.

වසර 125 ක් සපිරෙන දහම් පාසල් ඉතිහාසය

සමස්‌ත ලංකා දහම් පාසල් දිනය වශයෙන් අගෝස්‌තු 03 වැනි දින සම්මත කරගන්නා ලද්දේ 1895 අගෝස්‌තු 03 වැනිදා ගාල්ලේ විජයානන්ද දහම් පාසලේ ආරම්භ දිනය වශයෙන් සලකාය.

ඇමරිකානු ජාතික කර්නල් හෙන්රි ස්‌ටීල් ඕල්aකොට්‌තුමන් සහ රුසියානු ජාතික හෙලේනා පැට්‌ට්‍රොව්නා බ්ලැවැස්‌කි මැතිනියත් යන පරම විඥනාර්ථවාදී පුරෝගාමීන් දෙදෙනා 1880 මැයි 17 වැනි දින ගාලු වරායෙන් දිවයිනට පැමිණ මැයි 19 වැනි දින ගාල්aලේ විජයානන්ද විහාරස්‌ථානයේ විහාරාධිපතිව වැඩ විසූ අක්‌මීමන ධර්මාරාම හිමියන් වෙතින් තිසරණ සහිත පන්සිල් සමාදන්ව බෞද්ධයන් වූහ.

ඕල්කොට්‌තුමාගේ පුරෝගාමිත්වයෙන් මෙරට ඇති වූ බෞද්ධ අධ්‍යාපනයේ එක්‌ ප්‍රමුඛ අංශයක්‌ වූයේ ඉරු දින දහම් පාසල් සේවාවයි.

1980 කොළඹ පරමවිඥනාර්ථ බෞද්ධ සංගමය පළ කළ සියවස්‌ සැමරුමේ සඳහන් වන්නේ 1881 පෙබරවාරි 13 වැනිදා මැලිබන් වීදියේ නො. 54 දරන නිවසේ පළමු දහම් පාසල ආරම්භ කළ බවකි. එහෙත් ගුරුවරුන්ගේ හිඟය නිසා මෙය වැඩිකල් පවත්වාගත නොහැකි විය.

1884 සී. ඩබ්ලිව්. ලෙඩ්පීටර් මහතා හා සී. දොන් බස්‌තියන් යන දෙදෙනා එක්‌ ඉරිදා දහම් පාසල් ව්‍යාපාරය කරගෙන ගියද එයද අඛණ්‌ඩව කරගත නොහැකි විය.

1978 දී කොළඹ ආනන්ද විද්‍යාලය මගින් පළ කළ 'ආනන්ද' නම් කලාපයේ සඳහන් වන්නේ '1886 නොවැම්බර් 01 දා මැලිබන් වීදියේ නො. 61 දරන ස්‌ථානයේ බෞද්ධ ඉංග්‍රීසි පාඨශාලාව ආරම්භ කළ බවයි. අද එය ආනන්දයයි. සී. ඩබ්ලිව්. ලෙඩ් පීටර් මහතා ප්‍රථම විදුහල්පති විය. ආරම්භක ශිෂ්‍ය සංඛ්‍යාව 37 කි. මෙහි ගුරුවරුන්ට බුද්ධ ධර්මය ඉගැන්වීය." දක්‌වන ලද සියල්ලම අද පවත්නා ඉරු දින දහම් පාසල් සේවාව වැන්නක්‌ නොවේ.

1991 දී අධ්‍යාපන ප්‍රකාශන දෙපාර්තමේන්තුව පළ කළ ආචාර්ය ආනන්ද ගුරුගේ මහතාගේ සංස්‌කාරකත්වයෙන් පළ කළ "ධර්මපාල ප්‍රතිරාවය" 356 පිටුවේ මෙසේ සඳහන් වේ.

"මම සෙන්පතිතුමාගේ රියෙන් බටහිර පළාතේ ගමින් ගමට යමින් අධ්‍යාපන ව්‍යාපාරය ජනප්‍රිය කරවීම සඳහා දේශනා පැවැත්වීමි. මේ වන විට ලෙඩ් පීටර් මහතා සිය ඉරුදින පාසල් කොළඹ අරඹා තිබිණි.

මෙහි එන ධර්මපාල තුමාගේ කියමනේ ද පැහැදිලි වන්නේ දහම් පාසල් සේවාවේ ආරම්භය නොව ආනන්ද විHdලයේ ආරම්භය ගැනයි.

1893 ජුනි මස 8 වැනි දින "ලක්‌මිණි පහන" පුවත්පතේ පුවත් සිරස්‌තලය සඳහන් වූයේ බුද්ධාගම ඉගැන්වීම ගැනය. "කුඩා දරුවන්ට ඉරිදා දිනවල බුද්ධාගම ඉගැන්වීම පිණිස කොළඹ හැරිසන් මහතා උස්‌තැන්නේ නිවසේම පිහිටුවන ලද පාඨශාලාව මේ 9 ඉරිදා පිහිටුවන අපරභාගයේ පවත්වනු ලැබේ. මේ සඳහා අවස්‌ථාව හික්‌කඩුවේ නායක හිමියන් ඇතුළු ගිහි පැවිදි පිරිසක්‌ සහභාගි වන බවයි."

දැනට වාර්තා වන අන්දමට ශ්‍රී ලංකාවේ විධිමත් මුල්ම ඉරුදින දහම් පාසල වන්නේ 1895 අගෝස්‌තු 03 දා ඇරඹි විජයානන්ද දහම් පාසල බව තහවුරු වේ.

දහම් පාසල් සේවාවද ඕල්කට්‌තුමා ඇතුළු පිරිස මෙරටට ඇති කළ බෞද්ධ පුනර්ජීවනයේම එක්‌ අංගයකි. මෙකල පළ වූ "ලක්‌මිණි පහන", "සරසවි සඳරැස්‌" ආදී පුවත්පත් පරීක්‍ෂා කරන විට ඕල්කොට්‌තුමා, ධර්මපාල ආදීන් නොයෙකුත් තාඩන පීඩන මැද ගෙන ගිය අරගලය මනාව පැහැදිලි වේ.

ඕල්කොට්‌තුමාගේ දිනපොතේ 143 පිටුවේ මෙවැනි සඳහනක්‌ ඇත.

"මගේ සිතට වැදගත් අදහසක්‌ පහළ විය. බෞද්ධ ළමයින් ඔවුන්ගේ හැම විහාරස්‌ථානයකම විශේෂ දිනවල බෞද්ධාගම උගත යුතුය. ක්‍රිස්‌තියානිවරු තම දරුවන්ට පල්ලියේ තම ආගම උගන්වන සේ බෞද්ධයන් එසේ නොකරන්නේ මන්ද?

ඉරු දින දහම් පාසල් ඇතිකිරීමේ චින්තන පදනම ඕල්කොට්‌තුමාගේ චින්තනයේ හරය වූ බව පෙනේ. ගාල්ලේ විජයානන්ද දහම් පාසල 1895 අගෝස්‌තු 03 වැනි දින ඇරඹි නමුත් එය අඛණ්‌ඩව පවත්වාගෙන යැම සඳහා "විජයානන්ද සභාව" නමින් සභාවක්‌ ඇතිකරන ලදී.

1889 ඇරඹි විජයානන්ද දහම් පාසල විහාරාධිපති පයාගල සිරිසුමනතිස්‌ස හිමියන්ගේ අභාවයත් දහම් පාසල ඇරඹූ ඩී. කේ. සුබසිංහ මහතා කොළඹට මාරු කිරීමත් නිසා දහම් පාසල නවතා දමන ලදී.

පසුව 1895 අගෝස්‌තු 03 වැනි දින විහාරාධිපති පූජ්‍ය ඇගුලපොල ජිනරතන ස්‌වාමීන්වහන්සේ විසින් නැවතත් දහම් පාසල ආරම්භ කරන ලදී.

ආරම්භයේදී සිසුන් 75 ක්‌ පමණ සිටි දහම් පාසල ක්‍රමයෙන් 15 දක්‌වා අඩු විය. මේ සම්බන්ධයෙන් කලකිරුණු විහාරාධිපති හිමියන් සහ ක්‍රියාකාරීන් සාකච්ඡා කොට රැස්‌වීමක්‌ කැඳවීය. එහිදී "විජයානන්ද" නමින් සභාව පිහිටුවිය. ප්‍රධාන අනුශාසක ධුරයට පූජ්‍ය ඇහැලේපොළ ජිනේරය හිමි ද සභාපති ධුරයට එස්‌. ඒ. ජයසුන්දර ලේකම් ජී. සමරකෝන්, උපලේකම් ඊ. එච්. තෙබේරිස්‌ සිල්වා ද 10 දෙනකුගෙන් යුත් කාරක සභාවක්‌ ද පත්කර ගන්නා ලදී.

මෙසේ ඇරඹි දහම් පාසල ක්‍රම ක්‍රමයෙන් දියුණු විය. මුලදී ගුරුවරු 4 දෙනකු ඉගැන්වීමේ කටයුතු කළ අතර සිසුන් 40-50 අතර ප්‍රමාණයක්‌ විය. ඉරිදා දින උදේ 8 සිට 10 දක්‌වා බුද්ධ ධර්මය සිසු අවබෝධය ආදි ගෝලයන් ඉගැන්වීම් කරන ලදී. වසරින් වසර ප්‍රභාවය කරා ගිය දහම් පාසල විවිධ ප්‍රභූන් විසින් ආධාර උපකාර කරනවා වූ අතර දරුවන්ට ත්‍යාග දීම විවිධ තරග පමණක්‌ නොව විභාග පරීක්‍ෂණ ද පවා පැවැත්විණි. වාර්තාවල සඳහන් වන පරිදි විවිධ පංති යටතේ ඉගැන්වීම් කෙරුණු අතර ළමුන් 700ක්‌ පමණ දහම් පාසලට සහභාගි වූ බව දැක්‌වේ.

විජයානන්ද සභාව ක්‍රම ක්‍රමයෙන් පුළුල් සංවිධානයක්‌ බවට පත්විය. බොහෝ දෙනා එයට සම්බන්ධ වීමට පෙලඹිණි.

ඉතා ක්‍රමානුකූල මුදල් පාලනයක්‌ හා විධිමත් බව නිසා විජයානන්ද සභාව ශක්‌තිමත් වූ අතර ඒ නිසාම විජයානන්ද දහම් පාසල ද දියුණුවෙන් දියුණුවට පත්විය. එහි ප්‍රතිඵලය වූයේ 1895 දී ඇරඹි විජයානන්ද දහම් පාසල මවු දහම් පාසල ලෙස සලකා ශාඛා දහම් පාසල් 04 ක්‌ පිහිටුවීමයි. 1901 වර්ෂය වන විට ඒවා නම්,

1. දේවතුර මාගල්ලේ සුධර්මාරාම දහම් පාසල

2. මිනුවන්ගොඩ පරමානන්ද දහම් පාසල

3. ගල්වඩුගොඩ පරම විඥන දහම් පාසල

4. මාතලේ කූඹියන්ගොඩ විද්‍යානන්ද දහම් පාසල වේ.

ශ්‍රී ලංකාවේ ප්‍රථම විධිමත් ඉරු දින දහම් පාසල වූ ගාල්ලේ විජයානන්ද ඉරුදින දහම් පාසලේ ප්‍රධානාචාර්යවරු පිළිබඳ සටහනක්‌ තබමි.

1. ඩී. ඡේ. සුබසිංහ මහතා - 1889 සිට වසර කිsහිපයක්‌

2. බදුල්ලේ ඥානවිලාන හිsමි - 1895-1914 දක්‌වා

3. බී. ජී. පියදාස සිරිසේන මහතා - 1915-1934 දක්‌වා

4. ඩී. ජයසිංහ මහතා - 1935-1949 දක්‌වා

5. එච්. ජයසිංහ මහතා - 1950-1962 දක්‌වා

6. පණ්‌ඩිත ගාල්ලේ
අපි වෙමු සිරිලක බොදු දරුවෝ

මියගිය පළමු කොරෝනා රෝගියා කලක් අප.නිවස ජීවත් වූ අයෙක්

මේක කියවද්දි බය වෙයි මටත් කොරෝනා.කියල..නැ නෑ.එයා අවුරුදු ගානක කලින් අල්ලපු ගමට ගියා පදිංචියට(කොස්වාඩියෙන් හාල්පන්විල ගමට ) 

බීමට ටිකක් ඇබ්බැහි වෙලා හිටිය පොරක්.එදා සිටම ඉතින් ඒ නිසා වකුගඩුවක්ද අහිමි විය.ඒ ගැන ඉතින් කියන්න ඕන නෑනෙ.එසේ තිබියදී පවා ගයිඩ් වැඩේ කරන් ඉදිද් තමා මේකත් එලොවන් ඇවිත් පත්තු උනේ

ප්‍රශ්ණය යනු එය නොව ඔහු ආසරය කල අය සහ දුව බෑනා ආහ අසනීප වී සිටියදී බලන්න පැමිණි අයද බියෙන් සිටීමයි

කොරෝනා වෛරසය ආසාදනය වී ශ‍්‍රී ලංකාවේදී මියගිය පළමු රෝගියා වනුයේ අංගොඩ ජාතික බෝවන රෝග විද්‍යායතනයේ දැඩිසත්කාර ඒකකයේ ප‍්‍රතිකාර ලබමින් සිටි මාරවිල හාල්පන්විල ප‍්‍රදේශයේ අරලිය මාවතේ පදිංචිව සිටි ධර්මසිරි ජනානන්ද නමැති එක්දරු පියෙකි.



පනස් නව (59) හැවිරිදි වියේ පසුවූ ඔහු සංචාරක මග පෙන්වන්නෙකි. මෙම මරණයත් සමග මාරවිල හාල්පන්විල ප‍්‍රදේශයේ දැඩි ආරක්ෂිත වැඩපිළිවෙළක් ක‍්‍රියාත්මක කර ඇති බව මාරවිල පොලිසියේ මූලස්ථාන ප‍්‍රධාන පොලිස් පරීක්ෂක ධම්මික විජේසිංහ මහතා පැවසීය.

මියගිය ධර්මසිරි ජනානන්ද මහතා භාෂා ගණනක නිපුණත්වයක් ඇති අයෙකි. ජර්මන් ජාතික සංචාරක පිරිසක් රැුගෙන සීගිරිය, දඹුල්ල සහ යාල යන ප‍්‍රදේශවල දින ගණනාවක සංචාරයක නිරත වීමෙන් පසු ඉකුත් 15 වැනිදා නැවත සිය නිවස කරා පැමිණි අතර පසු දින ඔහුට හටගත් රෝගී තත්ත්වයක් හේතුවෙන් මාරවිල ප‍්‍රදේශයේ පිහිටි පෞද්ගලික රෝහලකින් ප‍්‍රතිකාර ලබා ගැනීමට ගිය අවස්ථාවේ එහි වෛiවරයා ඔහු පරීක්ෂා කර බලා මාරවිල මූලික රෝහලට ගොස් ප‍්‍රතිකාර ලබා ගැනීමට උපදෙස් දී ඇත.

මාරවිල මූලික රෝහලේ වෛiවරුන්ගේ පරීක්ෂාවට ලක් කිරීමෙන් අනතුරුව ඔහු කොරෝනා වෛරසය ආසාදිතයකු බව නිගමනය කිරීමෙන් පසු අංගොඩ ජාතික බෝවන රෝග විiායතනයට යැවීමට කටයුතු කර ඇත. එහිදී දින ගණනාවක් සාමාන්‍ය වාට්ටුවක ප‍්‍රතිකාර ලබමින් සිටියදී ඉකුත් 24 වැනිදා රෝග තත්ත්වය උත්සන්න වීමෙන් දැඩි සත්කාර ඒකකයට යොමු කර ඇත. එසේ ප‍්‍රතිකාර ලබමින් සිටියදී ඉකුත් 28 වැනිදා ඔහු මිය ගොස් තිබේ.


ධර්මසිරි ජනානන්ද මහතා කාලයක් තිස්සේ දියවැඩියාව, අධික රුධිර පීඩනය, කොලොස්ටරෝල් යන රෝගාබාධවලින් පෙළුණු අයෙකි. ඔහුට මීට වසර කීපයකට පෙර ඇති වූ රෝගී තත්ත්වයක් හේතුවෙන් වකුගඩුවක් ද බද්ධ කර ඇති බව වෛiවරු පවසති.

මාර්තු 25 සිට අප්‍රේල් 7 දක්වා ඉතා අවදානම් කාලයක් ලෙස සලකා ජනතාව ඒකරාශීවීම වැළැක්වීමට වහා පියවර ගතයුතු බව වෛද්‍ය සංගමය පවසයි

දැනට හඳුනාගත් කොවිඩ් - 19​ රෝගීන් 100 ආශ්‍රයෙන් මෙතෙක් හඳුනා නොගත් කොරෝනා රෝගීන් 500 ක පමණ ප්‍රමාණයක් සිටිය හැකි බව රජයේ වෛද්‍ය නිලධාරීන්ගේ සංගමයේ සහකාර ලේකම් වෛද්‍ය නවින්ද සොයිසා මහතා කීය.  

මෙම රෝගීන් 100 ඇසුරු කිරීම මත නිරෝධායනය කරමින් සිටින 18000 ක පිරිස අතරත් මේ අය සිටිය හැකි බව ද වෛද්‍ය සොයිසා මහතා කීය.  

එක් රෝගියකුට තවත් රෝගීන් 406 ක ප්‍රමාණයක් බිහි කළ හැකි වෙන අතර සමාජ ගැටීම් සියයට 75 කින් අඩු නොකළහොත් මේ තත්ත්වය වර්ධනය වෙන බව ද ඔහු ප්‍රකාශ කළේය.  

රෝගය බෝවී ඇති අයෙක් සමාජයෙන් ඈත්වී නිවසේ සිටියහොත් රෝගය බෝවීම සිදුවන්නේ සියයට 2.5 කට පමණක් බව අනාවරණයවී ඇතැයි හෙතෙම සඳහන් කළේය.
එක් රෝගියකුගෙන් තවත් 406 කට රෝගය බෝවෙන්නේ නම්, අපේ රටේ සමාජගතවී සිටින රෝගීන් සංඛ්‍යාව අනුමාන කළ නොහැකි බව ප්‍රකාශ කළ වෛද්‍ය සොයිසා මහතා අප රට පසුවන්නේ අවදානම් සීමාවේ බවද කීය.  

හඳුනාගත් රෝගීන් 100 න් 35 ක් නිරෝධායන මධ්‍යස්ථානවලින් හඳුනාගෙන ඇති අතර ඉතිරි 65 නිසා තවත් 500ක 600ක පමණ පිරිසක් නිරෝධායනය විය යුතු බවට සැක කරනු ලබන බව ද කීය.  

මෙම වසංගත රෝගී තත්ත්වය පියවර 4 කින් යුක්තවෙන අතර පළමුවැන්න කිසිම රෝගියකු නොවීමයි. දෙවැන්න අහඹු ලෙස රෝගීන් සිටීමයි. තුන්වැන්න රෝගීන් සමූහයක් වශයෙන් සිටීමයි. සිව්වැන්න සමාජගත ව්‍යාප්තියයි. අප සිටින්නේ තුන්වැනි පියවරේ ‘බී’ කොටසේය. මේ වෙනවිට පවුලෙන් එළියට රෝගය ව්‍යාප්තවී ඇති බව ද වෛද්‍ය සොයිසා මහතා කීය.  

මෙහිදී වැඩිදුරටත් කරුණු දක්වමින් වෛද්‍ය සොයිසා මහතා මෙසේද කීය.  

හදිසි තත්ත්වයක් යටතේ රෝගීන් සංඛ්‍යාව වැඩි වුවහොත් එය සෞඛ්‍ය ක්ෂේත්‍රයට දරා ගත නොහැකිවනු ඇත. මේ හඳුනාගත් රෝගීන් 100 න් 18000 ක් ගැන අවධානය යොමුකර ඇත. සමාජගත රෝගී විය හැකි පිරිස ගැන පැහැදිලිව කිව නොහැක.  

මේ පිරිස් ගැටෙන එක අවම කළ යුතුව ඇත. වැඩි රෝගීන් පිරිසක් සිටින්නේ කොළඹය. කළුතර ගම්පහ අනෙක් ප්‍රදේශයි. මේ අය අතර පළාතෙන් බැහැරට ගිය අය සිටිනු ඇත. ඉන්දියාව දින 21 ක් සියල්ල නතර කර ඇත. සියයට 75 කට වඩා රටේ සංචරණය නතර කර ඇත. ඒ අය සඳහා ජන ජීවිතය ගෙන යාමට තීන්දු තීරණ ගත යුතුව ඇත. ද්‍රව්‍ය නිවාසවලට ගෙනගොස්දීමේ වැඩපිළිවෙළක් ක්‍රියාත්මක විය යුතුය. රෝගය ප්‍රබල වූ පසු ප්‍රතිකාර කිරීමට අපට ඇති අවස්ථාවන් සීමා සහිතය.  

කොතලාවල වෛද්‍ය පීඨයට අදාළ රෝහලේ හදිසි ප්‍රතිකාර අංශය යොදා ගැනීමට පියවර ගෙන ඇත. ඇඳන් 80 ක් 100 ක් අතර ප්‍රමාණයක් එහි සැකසිය හැකි වෙයි. ඉදිරියේදී තදබදයක් ඇතිවුවහොත් එයට සූදානම් විය යුතුව ඇත. රෝගය බරපතළ වුවහොත් තදබදයක් ඇති නොවනසේ පියවර ගැනීමට සූදානමක් තිබිය යුතුව ඇත. හදිසි ප්‍රතිකාර, විශේෂයෙන් නිර්වින්දන වෛද්‍යවරු මේ ගැන සාකච්ඡා කර තිබේ.  

මේ තාක්ෂණය යොදා ගත හැකි අවස්ථාවකි. රෝගීන්ට අවශ්‍ය බෙහෙත් ලබාදීමේදී තාක්ෂණය දියුණු කළ යුතුව ඇත. මේ වෙනවිටත් වෛද්‍යවරු 10 ක් පමණ නිරෝධායනයට යෙදවීමට සිදුවී ඇත. වෛද්‍යවරු යෙදවීමට නොහැකි වුවහොත් එය බරපතළ ප්‍රශ්නයකි. වෙනත් රටවල වෛද්‍යවරු බොහොමයක් සේවයෙන් ඉවත්වී ඇත.  

මේ තත්ත්වයන් මත අප්‍රේල් 1 සිට 7 වැනිදා වෙනතුරුවත් උච්චම අවස්ථා ලෙස සැලකිය යුතුය. සමාජ දුරස්ථතාවය දෙවැනි පියවර යටතේ තිබිය යුතුය. දැනට තිබෙන දත්ත අනුව පසුගිය 23 හා 24 දිනවල කරන ලද ක්‍රියාකාරකම් සමග එතැන සිට සති දෙකක් බැලිය යුතුය. ගිය 13 වැනිදා සිට 27 වැනිදා දක්වා එක් අවස්ථාවක්ද, දෙවැනි අවදානම අප්‍රේල් මුල් සතියේද විය යුතුයි. ඒ අනුව මාර්තු 25 සිට අප්‍රේල් 7 දක්වා ඉතා අවදානම් කාලයක් ලෙස සලකා ජනතාව ඒකරාශීවීම වැළැක්වීමට වහා පියවර ගතයුතු බවද හෙතෙම අවධාරණය කළේය.  

ඇය අම්මා නම් විය........................

නුඹත් මවක් වන්නට ඇත
දරුවන් එක දෙක වදාපු
මව් සෙනෙහස අභියස නෑ
ලොව කිසිවක් එරෙහි වන්නෙ
ලැබුණ පුන්චි විරාමයේ
නෑ කිසි විටකදි සැලුනේ
භය සංකා වට නොසැලී
යමු මේ දිවි ගමන පුතේ

කොරෝනා හමුවේ නොවැටෙන ඉතාලිය - ලොව විශිෂ්ඨ රටකි එය

ලෝකයම පිස්සු වට්ටපු ඉතාලිය,❤️❤️

* ලෝක සිතියමේ බූට් සපත්තුව' වන නුඹ,

* ක්‍රිස්තු පූර්ව 71 වසරෙදී තම 40 වෙනි වියේදී ඝාතනයට ලක් වන රෝම අවිසුරුවකු (Gladiator) වූ ස්පාටකස් බිහි කළ නුඹ,

* ක්‍රිස්තු පූර්ව 44 වසරේ මාර්තු 15 දින ඝාතනය කෙරුණු, ජූලියස් සීසර් නම් රෝම අධිරාජයා බිහි කළ නුඹ,

* ක්‍රි.ව. 79 වසරේ අගෝස්තු මස 24, 25 දෙදිනදී පිපිරුණු විසූවියස් යමහලේ ලාවා වලින් යටවූ පොම්පේයි හා හ‍ර්කියුලේනියම් නගර තම ඇකයේ සඟවාගත් නුඹ,

* ක්‍රි.ව. 64 වසරේ ජූලි මස 17, 18 දිනවල රෝමය ගිනි ගත් විට වීනා වාදනය කළ බව කියන, මාතෘ ඝාතක පාලක නීරෝ බිහි කළ නුඹ,

* පීසා වල ඇලවුණු කුළුණ උසුලන් සිටින නුඹ,               

* පාලම් 400 කින් යාවුණු, දූපත් 118 ක් ඇල මාර්ග වලින් වෙන්වූ, සුන්දර වෙනිස් පුරවරය අයත් නුඹ,

* ලෝකයේ පැරණිතම විශ්ව විද්‍යාලය වන Bologna සරසවිය ක්‍රි.ව. 1088 දී ඇරඹූ නුඹ,

* අති උත්තම පාප් වහන්සේ හට සෙවණ දෙන වතිකානුව දරා සිටින නුඹ,

* බ්‍රහස්පතිගේ සුවිසල් චන්ද්‍රයන් වන අයෝ,යුරෝපා, ගැනිමීඩ්, කැලිස්ටෝ සිව්දෙන සහ සූර්ය ලප, සිකුරු කලා, චන්ද්‍ර ආවාට, මුලින්ම දුටු මහා විද්‍යාඥ, ගැලීලියෝ ගැලීලී බිහි කළ නුඹ,

*සෙනසුරු චන්ද්‍රයන් වන ඉයාපැටුස්,රියා, ටෙතිස්, ඩියෝනි සිව්දෙන සොයාගත් තාරකා විද්‍යාඥ, ගියොවන්නි ඩොමෙනිකෝ කැසිනි බිහි කළ නුඹ,

* සුප්‍රකට ගණිතඥ ලියනාඩෝ ෆිබොනාච්චි            බිහි කළ නුඹ,

* මිනිසෙකුගේ මැදිකන උගුර හා සම්බන්ධ කෙරෙන යූස්ටේකීය නාලයන් යුගල සොයා ගත්, බාතොලොමියෝ යූස්ටේකී බිහි කළ නුඹ,

* මිනිස් සිරුරක කුඩාම සෛලයක් වන ශුක්‍රාණුවක් විශාලම සෛලයක් වන ඩිම්බය සමඟ එක්වන අඳුරු,පටු මඟ වන පැලෝපීය නාලයන් යුගල සොයා ගත් කාය ව්‍යවච්ඡේද විද්‍යාඥ, ගේබ්‍රියෙල් ෆැලෝපියෝ බිහි කල නුඹ,

* රුධිර කේශනාලිකා සොයා ගත් මාර්සෙලෝ මැල්පිගී බිහි කළ නුඹ,

* කෘත්‍රිම සිංචනය මුලින්ම ලොවට හඳුන්වා දුන් ලැසරෝ ස්පැලන්සානි බිහි කළ නුඹ,

* ස්වයංසිද්ධ ජනන මතය සාවද්‍ය බව පරීක්ෂණාත්මකව තහවුරු කළ ෆ්‍රැන්සිස්කෝ රෙඩි බිහි කළ නුඹ,

* ලොව මුල්ම වායු පීඩනමානය ( Barometer ) තැනූ, ඉවැන්ජලිස්ටා ටොරිසෙල්ලි බිහි කළ නුඹ,

* ලොව මුල්ම රසදිය රුධිර පීඩනමානය ( Sphygmomanometer ) තැනූ සිපියෝනි රිවා රොකී බිහි කළ නුඹ,

* සත්ව විද්‍යුතය අනාවරණය කළ ලුයිජි ගැල්වානි බිහි කළ නුඹ,

* ලොව මුල්ම විදුලි කෝෂය හා බැටරිය තැනූ, ඇලෙසැන්ද්‍රෝ වෝල්ටා බිහි කළ නුඹ,

* දැන් වාමන ග්‍රහයෙකු ලෙස සැළකෙන මුල්ම ග්‍රහකය වන සෙරෙස් සොයාගත් තාරකා විද්‍යාඥ, ගයිසෙප්පි පියාසි බිහි කළ නුඹ,

* කණුවක බැඳ පණ පිටින් පුළුස්සා ඝාතනය කළ තාරකා විද්‍යාඥ, ගියොර්දානෝ බෲනෝ බිහි කල නුඹ,

* ඇවගාඩ්‍රෝ නියමය ඉදිරිපත් කළ රසායන විද්‍යාඥ, අමාදියෝ ඇවගාඩ්‍රෝ බිහි කළ නුඹ,

* සෛල තුල ස්‍රාවයන් නිපදවන ගොල්ගි සංකීර්ණය සොයා ගත් නොබෙල් ත්‍යාගලාභී විද්‍යාඥ, කැමිලෝ ගොල්ගි බිහි කළ නුඹ,

* මැලේරියා පරපෝෂිත ක්ෂුද්‍ර ජීවියාගේ ජීවන චක්‍රය මෙන්ම ඇනොපිලිස් ගැහැණු මදුරුවන්ගෙන් මැලේරියාව මිනිසාට ආසාදනය වන බව සොයා ගත්, ගියොවන්නි බැටිස්ටා ග්‍රාසි බිහි කළ නුඹ,

* කොළරා බැක්ටීයාව මුලින්ම සොයා ගත්, ෆිලිපෝ පැසිනි බිහි කළ නුඹ,

* ජලභීතිකා රෝගී බල්ලන් හා එම මිනිසුන්ගේ මොළයේ සෛල තුල වයිරසය අඩංගු 'නෙග්රි දේහ' නම් පොකුරු සොයාගත් ඇඩෙල්චි නෙග්රි බිහි කළ නුඹ,

* AIDS රෝගීන්ට  මාරාන්තික වන  නියුමෝනියා රෝගයක් ඇති කරන  නියුමොසිස්ටිස් කැරීනි නම් අහිංසක බැක්ටීරියාව සොයා ගත්, ඇන්ටෝනියෝ කැරීනි බිහි කළ නුඹ,

* අඟහරු ග්‍රහ ලොව මත දුරේක්ෂයෙන් දුටු රේඛා කෘත්‍රිම ඇල මාර්ග ලෙස වරදවා හඳුනාගත්, ගියොවන්නි ෂියාපෙරලි බිහි කල නුඹ,

* ගුවන් විදුලි යන්ත්‍රයේ නිර්මාණකරු,                                                                                       ගුග්ලියෙල්මෝ මාර්කෝනි බිහි කළ නුඹ,

* ලොව මුල්ම න්‍යෂ්ටික ප්‍රතික්‍රියාකාරකය නිර්මාණය කළ නොබෙල් ත්‍යාගලාභී භෞතික විද්‍යාඥ, එන්රිකෝ ෆර්මි බිහි කළ නුඹ,

* ටෙක්නීෂියම් (Tc) සහ ඇස්ටටීන් (At) යන මූල ද්‍රව්‍ය මෙන්ම ප්‍රති ප්‍රෝටෝන අංශු මුලින්ම සොයා ගත්  නොබෙල් ත්‍යාගලාභී විද්‍යාඥ, එමිලියෝ ජිනෝ සෙග්රේ බිහි කළ නුඹ,

* අභ්‍යවකාශයේදී  'එස්ප්‍රෙසෝ' නම් ක්‍රමයට කෝපි පිළියෙල කර පානය කළ මුල්ම පුද්ගලයා වන, සමන්තා ක්‍රිස්ටොෆොරෙටි යන අභ්‍යවකාශගාමිනිය ඇතුළු තම දරුවන් රැසක්ම උඩු ගුවනට යනු ආඩම්බරයෙන් බලා සිටි නුඹ,

* පෙර පාසල් අධ්‍යාපනය හඳුන්වා දුන් අධ්‍යාපනඥ, මාරියා මොන්ටිසෝරි බිහිකළ නුඹ,

* 'මොනාලිසා' සිත්තම් කළ ලියනාඩෝ ඩාවින්සි බිහි කළ නුඹ,

* 'ඩේවිඩ්' ප්‍රතිමාව මූර්තිමත් කළ මයිකල් ඇන්ජිලෝ  බිහි කළ නුඹ,

* ප්‍රකට චිත්‍ර ශිල්පීන් වන රෆායෙල් සහ ගියෝටෝ බිහි කළ නුඹ,

* 'The Divine Comedy' පබැඳූ මහා කවි, ඩාන්ටේ අලිගියරි බිහි කළ නුඹ,

* 'The Prince' රචනා කළ දාර්ශනික හා ලේඛක, නිකොලෝ මැකියාවෙලි බිහි කළ නුඹ,

* මහා කවි හා ලේඛක ගියොවන්නි බොකාසියෝ බිහි කළ නුඹ,

* සුප්‍රකට නවකතාකරුවකු හා ලේඛකයකු වන ඇල්බර්ටෝ මොරේවියා බිහි කළ නුඹ,

* 'Last Emperor', 'Last Tango In Paris', 'Little Budda' සිනමා කෘති නිමැවූ ඇකඩමි සම්මානලාභී අධ්‍යක්ෂ බර්නාඩෝ බර්ටොලුසී බිහි කළ නුඹ,

* නාසි නායක හිට්ලර් සමග දෙවන ලෝක මහා සංග්‍රාමයේදී එක් වූ ෆැසිස්ට් නායක, බෙනිටෝ මුසොලිනී වැන්නෙකුත් බිහි කළ නුඹ,

* 'ෆියට්' , 'ෆෙරාරි' , 'ලැම්බොගිනි' වැනි වටිනා මෝටර් කාර් රථ ලොවට බිහි කළ නුඹ,

* මාරාන්තික වයිරස් වසංගතයකින් ලොවම ගලවා ගැනීමේ සටනක් ගැන ඩෑන් බ්‍රවුන් ලියූ, Inferno' (නිරය) නවකතාවට තෝතැන්න වූ නුඹ,

* Covid 19 වයිරස් වසංගතය ඉදිරියේ පරාජය විය නොහැක!!!
                       
මනුෂ්‍යත්වයේ නාමයෙන්,   

ඔබට Covid 19 වෛරසය පරාජය කිරීමට ශක්තිය ලැබේවා!!! ❤️❤️     
 
Premashantha Kumarasiri ගේ වෝලයෙන් උපුටා ගැනුමකි.

COVID -19 තවදුරටත් ව්‍යාප්ත වුවහොත් මිනිසුන් මිලියන ගණනක් මිය යා හැකි ය

නව කොරෝනා වයිරසය තවදුරටත් ව්‍යාප්ත වුවහොත් ලොව පුරා මිනිසුන් මිලියන ගණනක් මිය යා හැකි යැයි එක්සත් ජාතීන්ගේ මහලේකම් ඇන්තෝනියෝ ගුටරෙස් අද (19) ලොවට අනතුරු ඇඟවීය.

මෙම වයිරසය දුප්පත් රටවල පැතිර ගියහොත් විශාල හානියක් සිදුවිය හැකි බව කී මහලේකම්වරයා ඉන් වැළැක්වීමට නම් මුළු ලොවම නව කොරෝනා වයිරසයට එරෙහිව එක්ව සටන් කළ යුතු යැයි ද කීය.

‘‘ලැව්ගින්නක් ලෙස වයිරසයට ව්‍යාප්ත වීමට ව්‍යාප්ත වීමට ඉඩ දුන්නොත් මිලියන ගණනක් මිය යන්න පුළුවන්. විශේෂයෙන්ම ලොව අවදානම් කලාපවලට මෙයින් වෙන්න පුළුවන් හානිය ඉතාම වැඩි’’ යැයි ද ඔහු කීවේය.

‘‘මුළු ලෝකයම සහයෝගයෙන් සහෝදරත්වයෙන් වැඩ කරන්න ඕනෑ. හැමෝම මේකට උනන්දු වෙන්න ඕනෑ. මේ සඳහා සදාචාරාත්මක අවශ්‍යතාවක්. එය අත්‍යවශ්‍ය’’ යැයි ද හෙතෙම කීය.

ගෝලීය වසංගතයක් බවට පත්ව තිබෙන නව කොරෝනා වයිරසය ‘‘සෞඛ්‍ය ව්‍යවසනයක්’’ යැයි ද ඒ සඳහා මුළු ලොවම එක්ව සටන් කළ යුතු යැයි ද හෙතෙම කීය.

‘‘හැම රටක්ම ඔවුන්ට හැකි පමණින් ඔවුන්ගේම උපායමාර්ග ගනිමින් ඉන්නවා. මේ කටයුත්තකම විනිවිදභාවය තිබිය යුතුයි.

අපි ඉක්මන් පියවර ගත යුතුයි. ඒ වගේම අර්බුදයකට මුහුණ දීමට ශක්තිය නැති රටවලට උදව් උපකාර කළ යුතුයි. ඒ වගේම ලෝක සෞඛ්‍ය සංවිධානය බහුපාර්ශ්වීය සටනක් ගෙන යනවා. සෑම රටක්ම සෑම ආණ්ඩුවක්ම ඊට සහයෝගය දැක්විය යුතු’’ යැයි ද එක්සත් ජාතීන්ගේ මහලේකම්වරයා වැඩිදුරටත් කීවේය.

ඔක්සිජන්.රු: බිලියන එක හමාරක් පමණ අපි පරිසරයට ණයගැති

සොබාදහමට ණය ගෙවන්නයි.

මිනිසාගේ ප්‍රධානතම අවශ්යතා විදිහට සලකන්නේ ජලය නිවාස සහ ඇඳුම් වේ. ඇත්තටම මේ තුනද අපේ ප්‍රධාන අවශ්යතාවයන් ජලය නැතිව දින දෙක තුනක් ඉන්න පුලූවන්. නිවාස නැතිව මුළු දිවියම ගෙවන අය ඉන්නවා. ඇඳුම් නැතිව ජීවත් වන කොටස්ද ඉන්නවා. හුස්ම ගන්නේ නැතිව කාටද ඉන්න පුලූවන්. එහෙනම් මෙතන අංක එක විය යුත්තේ ඔක්ෂිජන් වායුව කියලයි මම හිතන්නේ.

අපිට ඔක්ෂිජන් ලැබෙන්නේ ගස් වැල් වල සිදු වන ප්‍රරභාසංස්ලේෂන කයාවලියෙන්. ප්‍රරභාසංස්ලේෂනය සිදු කරන්නට ගහකොල තිබිය යුතු වෙනවා. යම් හේතුවක් නිසා ගහ කොළ අපේ ලෝකයෙන් තුරන් වේ නම් අපිට ඔක්ෂිජන් සපයන්නට ඇති එකම මාර්ගය වැසී යනවා. මේ අනුව අපිට හුස්ම ගන්නට ඇති වාතය නැතිවී යනවා. දැන් තවත් ව්යසනයකට අපිට මුහුණ දෙන්නට වෙනවා. ඒ තමයි ජලය. අපි මුළින් කිව්වා වාගේ ජලය අපේ මූලික අවශ්යතාවයක්. මොකද හුස්ම ගත්තට මදි දැන් ජලය අවශ්ය වෙනවා. ජලය අපිට ලැබෙන්නේ ගොඩබිම පිරිසිදු ජලය තියෙනකම් විතරයි. මේ ජලය පවතින්නේත් ගස් කොලන් මිහිපිට තියෙන තුරාවට පමණයි. ගහකොළ නැති තැන දියසීරා නොමැත. මේ අනුව දෙවැනි අවශයතාවයත් සපුරාලිය හැකි වන්නේ ගහකොළ ඇති තාක් පමණයි.

අපි මේ අවශ්යතාවලට යම් මිළක් නියම කලොත් අපිට ගහකොළ අපිට ලබා දෙන ජලය සහ ඔක්ෂිජන් ගැන මීට වඩා සිත්නට හැකි වන බව අපි සිතනවා. මුළින්ම බලමු ජලය ගැන.

සාමාන්ය එක් පුද්ගලයෙක් දවසකට බීමට සහ වෙනත් ඕනෑ එපාකම් සදහා දවසකට ලීටර් 10ක් භාවිතා කලහොත්. ඒ සදහා ලීටරයකට රුපියල් 100 බැගින් දවසකට රුපියල් 1000 විතර වෙනවා. මේ අනුව වසර 60ක් ජීවත් වන කෙනෙක් තම ජීවත කාලයේදී ජලය සදහා රුපියල් 21900000 ක මුදලක් වැය කරනවා. ඒත් තවමත් අපි මේ තරම් මුදලක් වැය කරන බව අපිට නොතේරෙන්නේ ජලය අවශ්ය තරම් ඇති නිසාය. යම් දවසක ඉල්ලූමට වඩා සැපයුම අඩු වන විට මේ මිළ ගනණ් ඔබට ගෙවීමට වනු ඇත.

ජලය සේම ඔක්ෂිජන් වායුවටද මිළක් නියම කල හැකිය. ඒ දැනටමත් සමහර අවස්ථා වලදී ඔක්ෂිජන් මිළට ගන්නට සිදු වන නිසාය. අපි ඔක්ෂිජන් වල දැනට පවත්නා මිළට අනුව අපි ආශ්වාස කරන ඔක්ෂිජන් වලටත් මිළ ගණන් සොයා බලමු. ටිකක් විහිළුවක් වගේ වුනත් මේ සංඛ්යාව ඔබගේ දෙනෙත් විවර කරන්නට සමත් බව නම් කිව යුතුය.

දිනකට අපිට අවශ්ය වෙනවා ඔක්සිජන් ලීටර් 550 ක්.

ඔක්සිජන් ලීටර් 10 ටැංකියක් රුපියල් 1300/= වෙනවා.

එතකොට දවසකට එක් පුද්ගලයෙකුට අවශ්යයි රුපියල් 71,500/=ක් වටිනා ඔක්සිජන් ප්රමාණයක්.

අවුරුද්දක් සඳහා වියදම බැලුවොත් රු. 71,500 ඞ 365 = රු. 26ල097ල500/= ඔබ අවුරුදු 60ක් ජීවත් වෙනව කියල හිතමුකො.

71,500 x 365 x 60 = රු. 1,565,850,000

රුපියල් බිලියන 1 හමාරක්. හිතා ගන්න පුලූවන්ද අපි පරිසරයට කොපමණ ණය ගැතිද කියලා වතුරට වගේ කී ගුණයක් අපි ඔක්ෂිජන් වලට ගෙවන්නට වෙනවාද? මේ ගණනයන් යතාර්ථයක් නොවන්නට පුලූවන්. ඒත් අපි මේ නොමිළයේ හුස්ම ගන්නේ අපේ මුතුන් මිත්තන් විසින් රෝපනය කල ගස්වැල් වලින් නිදහස් කරන ඔක්ෂිජන් නිසා බව හිතන්නට දැන් කාලය එළඹ ඇත. අපි මේ ජීව්තය තුල ආශ්වාසකරන ඔක්ෂිජන් ප්රමාණය වාතයට නැවත මුදා හරින්නට නම් අපි ජීවිත කාලය තුන හොඳීන් වැඩුණු ගස් 8 ක්වත් රැුක බලා ගත යුතුය. ඔබ එසේ කලහොත් ඔබ ඔබේ මව්බිමට ණය බේරුවා වැනිය. ගස් කැපීම ගැන මෙහිදී කතා කිරීම අවශ්ය නැත. ඔබ දැන් එහි ඇති ආදීනව දන්නා නිසාය.

කොරෝනා වෛරසය ආසාදිත බවට සැක මතුකර සතියක් ඇතුළත රෝගීන් 71ක් IDH රෝහලට

කොරෝනා වෛරසය ආසාදිත බවට සැක මතුකර ජාතික බෝවන රෝග විද්‍යායතනයට සතියක් ඇතුලත රෝගීන් 71 ක් ඇතුළත් කර ඇති අතර, ප්‍රතිකාර සේවාවන් සදහා අවශ්‍ය ඖෂධ ඇතුලු සියලු අවශ්‍යතා සෞඛ්‍ය අමාත්‍යාංශය විසින් ලබාදී තිබේ.

රෝහලේ බාහිර රෝගී අංශය ඇතුලු සියළු අංශවලින් ප්‍රතිකාර සේවාවන් සාමාන්‍ය පරිදි සිදුවන බවත්, සියළු සෞඛ්‍ය කර්ය මණ්ඩල කැපවීමෙන් සේවා සපයන බවත්, ජනතාව නොමග යවන සුළු අසත්‍ය ප්‍රචාර පළ නොකරන ලෙස මාධ්‍යයෙන් ඉල්ලා සිටින බවත් රෝහල් අධ්‍යක්ෂවරයා පවසයි.

නව කොරෝනා වෛසරය ආසාදිත සහ ආසාදිත බවට සැකකරන රෝගීන් වැඩිම ප්‍රමාණයක් දැනට ප්‍රතිකාර ගනු ලබන්නේ අංගොඩ ජාතික බෝවන රෝග විද්‍යායතනයෙනි. වසර 200 පමණ ඉතිහාසයක් ඇති එම රෝහල වාට්ටු 10 කින් සමන්විත වේ. හදිසි ප්‍රතිකාර ඒකකයක්, වෛද්‍ය සායන, එක්ස් රේ ඒකක වලින් ද යුක්ත මෙම රෝහල මගින් සිදුකරන කොරෝනා රෝගී ප්‍රතිකාර සේවාවන් හි වර්තමාන තත්ත්වය පිළිබද එම රෝහලේ අධ්‍යක්ෂ වෛද්‍ය හසිත අත්තනායක මහතා කරුණු දක්වමින් මෙම අදහස් පළ කරන ලදි.

එම කරුණු දැක්වීම පහත පරිදි වේ.

“නව කොරෝනා වෛරසය ආසාදනය වී ඇති බවට සැක කර මේ වන විට ජාතික බෝවන රෝග විද්‍යායතනයට මේ සතිය ඇතුලත රෝගීන් 71 ක් පමණ ඇතුලත් කර තිබෙනවා. එම පිරිසෙන් වෛරසය සැබැවින්ම ආසාදනය වී ඇති බවට කොළඹ වෛද්‍ය පර්යේෂණායතනය විසින් එක් අයෙකු පමණයි සහතික කර තිබෙන්නේ. එම කාන්තාවගේ රෝගී තත්ත්වය සුව අතට හැරෙමින් පවතින බව විශේෂඥ වෛද්‍යවරු පවසනවා. දෙපාර්තමේන්තුවක් විදිහට එය අප ලබපු ජයග්‍රහණයක්. මෙම සැකකටයුතු රෝගීන්ට ප්‍රතිකාර සේවාවන් සිදු කරන “A” කළණ ඒකකයේ රෝගීන් 09 ක් ප්‍රතිකාර ලබනවා. වෛරසය වැළැදී ඇති බවට තහවුරු කළ චීන ජාතික කාන්තාවත් සමග ශ්‍රි ලාංකිකයින් 05 ක් සහ අනෙක් අය විදෙස් ජාතිකයින් වනවා.”

“රෝහලේ බාහිර රෝගී අංශය ඇතුලු අනෙක් සියලු අංශ සායන, නේවාසික වාට්ටු ඇතුලුව සාමාන්‍ය ආකාරයට ක්‍රියාත්මක වනවා. විවිධ තොරතුරු මාධ්‍ය මගින් ප්‍රචාරය වීම නිසා බාහිර රෝගී අංශයේ රෝගීන්ගේ සහ නේවාසික රෝගීන්ගේ ඇතුලත්වීමේ යම් අඩුවක් දක්නට ලැබෙනවා. එසේ වුවත්, වාට්ටු නේවාසික රෝගීන්ට, බාහිර රෝගීන්ට, සායන සදහා විවෘතව තිබෙනවා. අද දවසෙත් බාහිර රෝගී අංශයේ ප්‍රතිකාර සේවාවන් සදහා රෝගීන් සහභාගි වෙලා තිබෙනවා. විශේෂඥ වෛද්‍ය කාර්ය මණ්ඩල ඇතුලු වෛද්‍ය, හෙද, පරිපුරක හා අතුරු වෛද්‍ය, කණිෂ්ඨ කාර්ය මණ්ඩල, ගිවිසුම්ගත සේවා සපයන ආරක්ෂක සේවය ඇතුළත්ව සියළු කාර්ය මණ්ඩල වෙනදාටත් වඩා උනන්දුවෙන් සහ කැපවීමෙන් යුතුව මේ අවස්ථාවේ රට වෙනුවෙන් සේවය කරනවා. කණිෂ්ඨ කාර්ය මණ්ඩල විසින් සිදු කරනු ලබන සේවාව ද අප ඇගයීමට ලක් කළ යුතුයි. කිසිදු දීමනාවක් බලාපොරොත්තු නොවී ඔවුන් වෙනදාටත් වඩා කැපවීමෙන් හා උනන්දුවෙන් සිය රාජකාරී කටයුතු සිදු කරනු ලබනවා.”

“මාධ්‍ය ඇතුලු සියළු දෙනාගෙන් මම ඉල්ලීමක් කරනවා පසුගිය දිනවල නොයෙක් අසත්‍ය ප්‍රචාර පතුරුවා තිබුනා. මෙවැනි රොගීන් සෞඛ්‍ය කාර්ය මණ්ඩල රැකබලා ගත්තේ අද ඊයේ සිට නොවෙයි. මෙම රෝහල වසර 200 ක පමණ ඉතිහාසයක් තිබෙන රෝහලක්. ඉතිහාසය පුරාම මෙවැනි උවදුරු රටට පැමිණියාම මෙවැනි සෞඛ්‍ය පහසුකම් නොතිබුන කාලයකත් ඉතාම කැපවීමෙන් රොගීන් රැකබලා ගත්තා. සෞඛ්‍ය අමාත්‍යාංශය මේ වන විට රෝගීන් ප්‍රතිකාර සේවාවන් සදහා අවශ්‍ය සියලු දේ ඖෂධ, ආරක්ෂිත ඇදුම්, උපකරණ, අපට ලබාදී තිබෙනවා. කිසිම අඩුපාඩුවක් නැහැ. කාර්ය මණ්ඩලයේ කැපවීමේ කිසිම අඩුපාඩුවක් නැහැ. ජනතාව නොමග යවන සුළු අසත්‍ය ප්‍රචාර සිදු නොකරන ලෙස අප ඉල්ලා සිටිනවා. රජයේ තොරතුරු ලබාගත හැකි ප්‍රභවයන් වලින් පමණක් තොරතුරු ලබාගන්න. මෙම කාර්ය මණ්ඩල මේ වෙලාවේ ධෛර්යමත් කළේ නැත්නම් මේ සේවාවල් පවත්වාගෙන යෑමට අසීරු වෙන්න පුළුවන්. කාර්ය මණ්ඩලවල විවිධ ගැටළු මධ්‍යයේ මෙම සේවාවන් කරනවා. ඔවුන්ගේ දරුවන්ට පාසල්වලට යනකොට විවිධාකාරයේ ප්‍රතිචාරයන් සමාජය දක්වනවා. මේ සියලු උපේක්ෂා සහගතව දරා ගනිමින් මෙම සේවා අප විසින් සිදු කරනු ලබනවා

අරුණ පුවත්පත

ලංගමට දිනකට රු/කෝටියක පාඩුවක් ටිකට් නිකුත් නොකිරීමෙන්

ශ්‍රී ලංගම බස් රථයක ටිකට්පත් ලබා නොදීමේ සිද්ධියක් ඇත්නම් වහා 0117555555 අංකයට කෝල් කරන්න

ශ්‍රී ලංකා ගමනා ගමන මණ්ඩලයේ බස්රථවල ප‍්‍රවේශපත් නිකුත් නොකර මුදල් අය කිරීම නිසා දිනකට රුපියල් කෝටියකට ආසන්න මුදලක් මණ්ඩලයට අහිමි වෙතැයි එහි සභාපති නීතිඥ කිස්ංලි රණවක මහතා අද (2) පැවසීය.

සාමාන්‍යයෙන් දිනකට රුපියල් ලක්ෂයකට වඩා මුදලක් මෙසේ වංචා වෙතැයි ගණන්  බලා ඇති බවත් ඒ අනුව ඩිපෝ 109 ක් කෝටියකට ආසන්න මුදලක් අහිමි වන මණ්ඩලයට අහිමි වන බවත් රණවක මහතා කීය.

ටිකට් පත් ලබා නොදීමෙන් සිදුකරන මෙම වංචාවට තවත් නිලධාරින් පිරිසකගේ සහය ලැබී ඇතැයි පැවසූ සභාපතිවරයා මෙම වංචාව වළක්වාලීමේ ඉක්මන් ක‍්‍රියාමාර්ග සැකසූ බව ද කියා සිටියේය.

ටිකට් පරික්ෂකවරුන්ගේ සේවාවට අමතරව තම අධීක්ෂණය යටතේ විශේෂ වැටලීම් ඒකකයක් ආරම්භ කරන බවත් මෙම වංචාව මැඩලීමට මගී ජනතාවගේ සහය බලාපොරොත්තු වන බවත් හෙතෙම සඳහන් කළේය.

ඉදිරියේ දී මෙම ඒකකය විසින් තැන තැන වැටලීම් සිදුකිරීමට නියමිත යැයි ද ඔහු කියා සිටියේය.

ශ්‍රී ලංගම බස් රථයක ටිකට්පත් ලබා නොදීමේ සිද්ධියක් ඇත්නම් වහා 0117555555 අංකය අමතා ඒ බව දැනුම් දෙන්නැයි හෙතෙම මගී ජනතාවගෙන් ඉල්ලීමක් ද කළේය.

ප්ලාස්ටික් වෙනුවට පුවක් පට්ටෙන් කෑම පිගන්,පෙට්ටි

ඔන්න තවත් contact එකක්
පුවක් කොලපතේ බත් කන්න කැමති ක😃වුද

පිටරට ප්ලාස්ටික් වලින් ලංකාව පුරවනවට විසඳුමක් දුන්නු වීර ලාංකිකයෝ....
👇👇👇
"මම #Nadeeka_Karannammunige. අපේ රටේ පුවක් ඕනතරං තියෙනව. අපි පුවක් කොළ වලින් නැවත පාවිච්චි කරන්න පුලුවන් කෑම පෙට්ටියකුයි Plates වර්ග 5කුයි හදනව.
මේව වියලි කෑමත් එක්ක මාස 6ක් වුනත් හොඳට තියෙනව. තෙත කෑමත් එක්ක සෝද සෝද පාවිච්චි කලොත් මාස 2ක් නැවුම් විදියට තියෙනව.

මේ වැඩෙන් මිනිස්සුන්ට රස්සා ලැබෙනව. නව වෙළඳපලක් නිර්මාණය වෙනව.
වැදගත්ම දේ පිළිකාකාරී ප්ලාස්ටික් පොලිතින් වලින් පරිසරේ රැකෙනව. අනාගත පරපුරේ සෞඛ්‍ය රැකෙනව."

පරිසර හිතකාමී විදියට කෑම කන්න කැමති අය මේව ගන්න ඕනනං කෝල් කරන්න  0777 724072
අපේ ව්‍යාපාරයේ නම eco product company. තියෙන්නෙ ඇඹිලිපිටියෙ.

We make biodegradable lunch boxes, lunch plates and dishes from arecanut leaf. This is original “made in Sri Lanka” product.
If you appreciate eco friendly dining please call us for orders at 0094 777 724072
This will stay fresh up to 6months with dry food.
With wet food will stay fresh for two months.