Saturday, June 25, 2016

මෙගා පවුල







කලින් කා පිහා
පෙරැත්තකොට නින්දට යවා දූ දරු
හරි බරි ගැසී
එක ම සැටියේ දෙපස හිඳගෙන
පෙර දිනෙක බුදින ලද
ඇඹුලක රසට දත් හිරිවැටුණු සේ
උණුන් මූණු සඟවා
රස රසෙහි ගිලී
පෙමාතුර කතා... පවුල් හුටපට
බිඳෙන බැඳෙන
බැඳී බිඳෙන
ලට පට අනුන්ගේ...
මොහොතින් මොහොත
චැනලයෙන් චැනලය මාරු කරමින
අඩුවක් නැතිව හැම
නරඹා රෑ මැදියම ද වනතුරු
එක ම යහනේ
දෙපසට හැරී වැටේ නින්දට
නොඑයි නින්ද...
හෙට කුමක්වේද?