ආගම

කෝවිල බිඳදා පන්සල හැදුනට

බුදුරැස් නැත එහි විහිදෙන්නේ

පන්සල බිඳදා කෝවිල හැදුවත්

නැත දෙවියෝ එහි වැඩ ඉන්නේ

ආගම් නාමෙන් රැවටුණු මිනිසුනි

මුලා නොවී ඇස් ඇරපන්නේ

සාමය සමඟිය ඇති තැන පමණයි

දෙවිවරු බුදුවරු වැඩ ඉන්නේ

බුදුන් පුදන්නට මල් සුපිපෙනවා

දෙව් මැදුරේ මිදුලේ මල් පඳුරේ

සත සිත නිවෙනා බණක් ඇසේවා

සිව් සත සනහා මිනිසුන්ගේ

තත්ත්වය

තත්ත්වය රැකිය යුතු බව හැම තැනම කියයි අපමණ වෙහෙස ගෙන රැකුමට කරුණු සොයයි එය රකිනවා නම් කිසිවෙක් නොමඟ නොයයි නැති තත්ත්වයක් ගෙන සමහරු ඉහළ ගියයි යුතුකම ගුණදහම දිවියට වැද ගත්වේ පොදුජන මෙහෙය සලකන වැඩ අග පත්වේ නිවැරදි ගමන් මඟ ගිය හොත් රස වත්වේ රැකෙනව නියති හිත හොඳ පිරිසගෙ තත්ත්වේ